Detaljar

Bjørn Nybru (1866 - 1963) skreiv i 1952 ned det han hugsa  om folket på gardane på Vindastranda. Vindastanda omfattar gardane på nordsida av Vindafjorden frå Frøvik inn til og med Hustoft og Skipavåg som grensar opp til Suldal kommune. Hustoft er siste garden Bjørn Nybru skriv om. Men rundt 1970 fullførte Berhard Skipevåg (1888 - 1976) verket med å ta med resten av Hustoft, Skipavåg og Rønnevik.

Desse artiklane gir svært interessant informasjon om  folket og livet på gardane for 100 - 150 år sidan. Vi legg dei difor ut på nettsida vår, slik at fleire kan få del i dette. Du finn dei under "Artiklar på nett" i menyen oppe.

Våga, som i frå gamalt av har vore den  beste garden på Vindastranda og i Imsland, er ikkje med i desse skrifta. Berre alle husmannsplassane under Våga er med. Bjørn Nybru grunngir dette med at Våga vart grundig omtala i ein artikkel i årsheftet til Rogaland Ættesogelag frå 1942. Vi får sjå om det kan vera mogeleg å få leggja ut også denne artikkelen seinare.

Detaljar

Skjold og Vats sogelag gav i perioden 1980 til 1984 ut fire årgangar av
”Sogeblad for Skjold og Vats”. Vi har nå gjort desse tilgjengelege i PDF format, og du finn dei under eige menypunkt.  
Etter eit opphald tok Skjold og Vats sogelag kontakt med Imsland, Vikedal og Sandeid sogelag og første utgåva av Vindetreet kom i 1992.

Detaljar

Theodor Imsland hadde tidlegare lagt ut ein del artiklar på heimesida si hos Telenor. Telenor har avslutta denne tenesta  og artiklane er nå lagt inn her under "Artiklar på nett".  Dei fleste artiklane omhandlar Imslandsjøen. Men den mest leste har vore oversikta: "Skip bygde i Vindafjord 1850 - 1890".    

Detaljar

Vikebygd sogelag gav ut eit eige sogeblad i perioden 1977 til 2002. Desse utgåvene er nå scanna og vi legg dei ut her på Vindetreet si side, slik at dei er tilgjengelage for alle også i åra framover.
Blada er tilgjengeleg i PDF format, og du finn dei under eige menypunkt i kolonna til venstre.
Etter 2002 bidreg Vikebygd med artiklar og bilete i Vindetreet kvart år.

Detaljar

  I denne artikkelen vart det teke ut to avsnitt grunna utfordringar med sidetal. Skriftstyret beklagar dette.

Avsnitta gjeld: ”Bruk av namn i Strand-slekta”. Desse kan du lesa her.